Umekkineitt

Sæl verið þið :) Skólarnir eru byrjaðir á fullu og það er ansi skrítin tilfinning að þurfa ekki að setjast á skólabekk hmmm, ég eiginlega sakna þess dáldið, en það verður eflaust ENGINN söknuður um jólin þegar prófin fara af stað, ég hef aldrei verið sú hressasta á þeim tíma :) Sá sem fagnar þó eflaust mest að ég sé ekki að fara í skóla er hann Bjarni minn, jeminn það sem drengurinn hefur þurft að þola undanfarin 4 ár obbbosí segi ég nú bara, ég náttla missi mig bara svona rétt fyrir prófin - en nóg um það sú tíð er liðin allavega í bili.

Ákvað síðan að setja inn myndir síðan skötuhjúin þau Árný og Fannar komu í heimsókn til okkar, það var auðvitað æði.

Við erum loksins búin að fá okkur heimasíma JIBBÍ. Það eru víst alltaf einhver tilboð hjá símafyrirtækjunum varðandi það að hringja til útlanda og um að gera að nýta sér það elskurnar mínar því það væri æði að heyra í ykkur :) :)

Voðalega er ég eitthvað tóm núna...læt þetta því bara duga í bili

Elskið friðinn og strjúkið kviðinn

Hafið það gott luvBegga

Skemmtileg helgi :)

Helgin byrjaði vel þar sem þjálfarinn gaf okkur þriggja daga frí, fös, lau og sun, það er náttla bara gaman því þá gat ég haft það gott og gert eitthvað skemmtilegt. Bjarni er líka í fríi á föstudögum þannig að ég, hann og Martha ákváðum að skella okkur til Århus til að kíkja í búðir. Það gekk mjög hjá okkur vel að versla og hafði Martha rosa góð áhrif á okkur haha :) Við fórum síðan sæl og glöð heim og borðuðum þar, slöppuðum síðan bara af það sem eftir var kvöldsins enda afvelta :)

Árný og Fannar ákváðu síðan að kíkja í heimsókn í gær, en þau búa í um klst fjarlægð frá okkur. Það var frábært að fá þau. Við röltum aðeins um í bænum og settumst á kaffihús, síðan tókum við smá göngutúr um Silkeborgina. Við elduðum síðan saman um kvöldið og kellan skellti í súkkulaðiköku sem smakkaðist bara ágætlega held ég, síðan eyddum við kvöldinu í spjall um allt og ekkert, Bjarni kenndi þeim á ebay og svona, þannig að það má búast við stórkaupum hjá þeim á næstunni :)

Við erum síðan eiginlega búin að plana hitting aftur næstu helgi, en þá er Bjarni í fríi og Fannar er að koma hingað til að keppa við Silkeborg. Þá verður kannski kíkt útá lífið og gert eitthvað skemmtileg.

Bjarni átti síðan að vera að keppa akkurat núna. Hann mætti kl.9.00 í morgun til að leggja af stað í 31/2 klst rútuferð til köben, þeir voru búnir að keyra alla leiðina til Köben, byrjaðir að hita upp, en nei þá ákváðu veðurguðirnir að láta demba aðeins á þá, þannig að völlurinn varð á floti, Bjarni sagðist aldrei hafa séð annað eins. Þannig að stemmingin er örugglega frekar súr núna hjá Silkeborgarmönnum að eyða heilum degi í gjörsamlega ekkert, þeir eru semsagt á leiðinni heim núna og leikurinn verður spilaður einhvern tíma í nóvember. Við vorum einmitt að ræða þetta í morgun því öðrum leik var frestað af sömu ástæðum í gær og ég sagði að ég yrði nú frekar pirruð að sitja í rútu í 4 klst til þess eins að fara aftur uppí hana og keyra aftur í 4 klst, Bjarni var sko sammála því :/ úff hann er örugglega ekkert að deyja úr hressleika...

Til hamingju valsstelpur með Rvík titilinn :)

Heyrðu síðan var Íslendingi hrint fyrir lest hérna í DK, en hann var svo "heppin" ef ég get sagt það að hann lenti á milli teinanna þannig að lestin lenti ekki beint á honum, hann lifði þetta semsagt af!!! Jiii spáið í því að lenda í svona, en það eru víst myndir af þessu í Extra blaðinu, það náði einhver þessu á vídeó.

Eitt en, Bjarni keypti DVD disk með Robbie um daginn, þetta eru geðveikir tónleikar, en á þeim þá tekur Robbie gellu uppá sviðið, kyssir hana (frönskum kossi) og dansar við hana, síðan sendir hann gelluna niður aftur og hún fer beint til kærastans, þá vaknaði upp sú umræða hjá okkur hvort að við myndum leyfa makanum að fara uppá svið til söngvara/sönkonu og kyssa hann/hana?? Bjarni sagði að hann myndi sko leyfa mér að fara upp á svið og kyssa Robbie, þannig að Robbie here I come :) hehehe Reyndar dáldið fjarlægur draumur ennnnnnnnn

Mér finndist nú bara dáldið kúl að vera kærasta stráksins sem fór uppá svið til Madonnu/Britney (eða hvaða gellu sem ykkur dettur í hug) og kyssti hana :) Já en hvað finnst ykkur um þetta??

Myndir koma seinna þegar bloggsíðan vill setja þær inn úfffffff pirr pirr

Skemmtilegar vangaveltur :) :) en Hafið það gott elskurnar

Sólskinskveðjur Begga

Rúm vika í fyrsta leik

Komin heim frá Frakklandi og eins og Bjarni spurði mig "Hvernig er að koma heim úr fjögra daga ferð til Frakklands og spila samasem ekkert" Já það er ekki skemmtilegt get ég sagt ykkur, en þolinmæði þrautir vinnur allar ekki satt !!! Ja ég verð allavega að trúa því...Ferðin var samt fín þannig séð :) Við unnum mótið, töpuðum reyndar fyrsta leiknum, en unnum næstu 2.

Nú er lífið bara komið í sama farveg og venjulega. Ég er ekki byrjuð að vinna en er að fara að vinna í þeim málum núna í byrjun september. Ég ætla að sækja um starf/störf hérna í Silkeborg, auðvitað byrja ég á því að leita mér að vinnu sem hjúkka en ef það lukkast ekki þá reyni ég í Århus og ef það lukkast heldur ekki þá þarf ég að finna eitthvað annað. En það er sagt að það vanti alltaf hjúkkur þannig að ég krossa fingur. Þetta er nefnilega ekkert of auðvelt því ég get ekki unnið vaktavinnu, ekki um helgar og vil bara vinna um 20 tíma á viku - já ég er ekki auðveld :)

Fyrsti leikurinn okkar er á móti Álaborg 2 september þannig að deildin byrjar bara eftir rúma viku, trúi varla að þetta sé að byrja.

Reykjavíkurmótið að byrja heima og vil ég óska Valsstúlkum góðs gengis, við eigum nú titil að verja og um að gera að GERA ÞAÐ :) Ég sendi ykkur góða strauma.

Ég furða mig á hversu fáir(ENGINN) buðu í silfurskóna haaaaaa bara skil þetta EKKI.

Annars er mest lítið að frétta mæli reyndar með því að þið hlustið á hljómsveitina Jeff who, svaka góður diskur frá þeim. Ef þið hafið góðar uppástungur um skemmtilega/góða tónlist þá endilega láta mig vita því í 80 mín á dag geri ég ekkert annað en að hlusta á tónlist, syngja og keyra.

Hafið það gott elskurnar

Sakna ykkar

luvBerglind

Einhvern tíma verður allt fyrst !!

Mamma og pabbi farin heim en það var æðislegt að hafa þau, þau eru svo mikið yndi, TAKK FYRIR ALLT mamma og pabbi knús :)

Var að koma heim frá Ungverjalandi, fórum þangað í æfingaferð og það gekk bara mjög vel. Ég spilaði ekki mikið sem er nú ekki nógu gott en maður getur nú ekki mikið sagt þegar Karin skellir í lás :) en við unnum 3 leiki af 4 og spiluðum mjög vel en í síðasta leiknum spiluðum við mjög illa, allt of mikið af tæknifeilum og vörnin komst engan vegin í gang þannig að sá leikur tapaðist held ég 26 - 32. Það voru teknar fullt af myndum á mótinu og ef þið hafið áhuga á að skoða þær þá er linkurinn http://www.bolcs27.hu/ ég get nú ekki sagt að maður hafi beint módel svipinn á sér í miðjum leik hmmmm Kolla segir reyndar að ég setji alltaf stút á varirnar þegar ég fæ skot úr horni haha :)
Ferðin fyrir utan handbolta var bara mjög fín, ég var með Hröbbu í herbergi sem btw átti afmæli daginn sem við ferðuðumst 9.ágúst :) Ég og Hrabba nýttum tímann og tókum nokkra góða lúra :) Þjálfarinn átti ekki til orð hvað ég gat sofið hehe það er bara svo gott :)

Svo bara er það aftur æfingaferð núna á föstudaginn og nú til Frakklands, förum á fös og komum heim á mán, það er rosa gott að fara í svona ferðir þá kynnist maður stelpunum betur og svo ætla ég núna að reyna að vera duglegri að babbla dönsku.

Annars er það að frétta að ég fékk fyrstu hraðasektina mína :( púúúú þarf að borga 500 kr DK tekin á 85 þar sem ég mátti keyra á 70. Fékk senda mynd af mér heim og ég er greinilega mjög einbeitt þegar ég er að keyra, greinilega það einbeitt að þetta 70km hraða skilti hefur algjörlega farið framhjá mér.

Nú og svo er ég að fara breyta um handboltaskó eða allavega reyna, held að adidas skórnir séu orðnir grónir við mig en ég er búin að spila í sömu tegund síðustu 5 tímabil held ég. Og skórnir eru rosalegir SILFRAÐIR takk fyrir, þeir eru ekkert spes en það skiptir víst minnstu eins gott þeir séu góðir því ég ætla svo sannarlega EKKI að spila í lélegum ljótum silfruðum skóm :) og líta út eins og geimskutla
Hérna eru skórnir p.s. ég á 2 pör og er tilbúin að selja hitt ef þið eruð æst í þá :) hehehe

Fór svo á mína fyrstu markmannsæfingu í dag og það var frábært :) Lærði mjög mikið.

Svo var hún Anna mín yndislega vinkona að eignast lítinn gullmola :) Til hamingju Anna og Örvar hann er æði prinsinn ykkar Gangi ykkur rosalega vel knús og kossar til ykkar litla fjölskylda :)

Setti inn nýjar myndir frá ferðinni er undir Æfingaferð til Ungverjalands :)
Þannig að ég er bara hress og kát
Sakna allra ofsa mikið
Hafið það gott lömbin mín
luvBerglind

Frábær vika :)

Jebb margt og mikið í gangi síðustu daga, mamma og pabbi eru nefnilega í heimsókn og við erum búin að bralla ýmislegt skemmtilegt :) t.d. fórum við til Århus að versla og út að borða, skelltum okkur síðan á Himmelbjarget og þó það sé lítið = minnsta fjall í heimi þá er útsýnið rosa flott. Við keyrðum þangað uppeftir og þá tekur bara nokkrar mín að ganga uppá "topp" :) Svo erum við búin að fara út að borða á nánast hverju kvöldi og alltaf einhver nýr veitingastaður sem verður fyrir valinu. Ég er að sjálfsögðu búin að taka þau í sightseeing um Silkeborg og þau eru algjörlega heilluð. Pabbi ætlar svo að skella sér í golf í dag með Bjarna en ég og mamma ætlum að rölta göngugötuna í Silkeborg. Það er búið að vera rosa fínt veður meðan þau eru búin að vera hjá okkur fyrir utan einn og hálfan rigningardag. Já það er alltaf stuð að hafa mömmu og pabba, mamma er alveg tryllt með sandalana sína að drepa pöddur og er orðin meira að segja svo æst að hún er farin að berja kusk af öllu afli hehe :) Verð samt að segja að það er ótrúlega mikið af kóngulóm hérna vááá það eru gjörsamlega kóngulóavefir út um ALLT ég má ekki leggja hjólinu mínu í einn dag þá er það allt orðið útí kóngulóavef :/

Það er líka mikið búið að vera að gera í boltanum erum búnar að keppa 2 æfingaleiki síðan síðast :) unnum 1 á móti þýska liðinu Buxtahude en töpuðum með einu marki á móti Kolding. Ég var með í báðum leikjunum spilaði hálfleik í hvorum leik.
Síðan var svona hópeflis dagur hjá liðinu og við fórum á sjó, já já áttum að sigla svona báti/ skútu eða hvað þetta heitir - >

Það voru fjórar saman á báti/skútu og var hver og ein með sitt hlutverk, kellan var sett á stýrið jújú captain Begga :) Við vorum semsagt að keppa við strákana í Århus og gekk líka svona ljómandi vel VIÐ UNNUM :) það er síðan einhver siður að kasta sigurvegurunum út í sjóinn og fengu nokkrar úr liðinu að fjúka en ég var nú ekki í mikilli hættu, ný á svæðinu :) en Hrabba fékk að sjálfsögðu að fljúga útí og það meira að segja tvisvar.

Svo er það æfingaferð til Ungverjalands á miðvikudaginn verðum þar í 5 daga, það verður örugglega rosa gaman.

Annars bara líf og fjör

Hafið það gott

KnúsBerglind

Grill og góður félagsskapur

Fór í Grillveislu til Hröbbu, Viktors og Viktoríu á sunnudaginn, Gunnar Berg, Dagný, Viktor Berg, Kristín, Steini, Embla og Telma voru þar líka. Ég var smá öðruvísi ein með engann kall ( hann var að keppa) og ekkert barn, en ég fékk bara 1 lánað hjá Kristínu og Steina þá var ég smá með :)

Að sjálfsögðu var eftirréttur á boðstólnum geggjuð kaka og grillaðir bananar með súkkulaði nammi namm. Ég þarf að láta Hröbbu kenna mér að gera allt þetta gúmmilaði.

Svo var spilað krikket þar sem bara einn tapar allir hinir vinna(allavega segir Viktoría það) og að sjálfsögðu var það ég sem tapaði ussss - krikett ekki mín grein)

Setti inn myndir frá Grillinu og einnig þegar ég Bjarni,Hörður og Birna fórum í minigolf tékk it át..

Heyrðu svo heimta ég að þið commentið(Hæ er alveg nóg - þarf ekki mikið til að gleðja mig :) - KOMA SVOOOOOO FÓLK

Hafið það gott elskurnar mínar

luvBerglind